من هم جهاز الدي اس تي وكيف الولوج إليه "DGST"

كيف كتعرفوا المديرية العامة للأمن الوطني عرفة تغيرات جذرية فعملية التوظيف فسلك الشرطة، سواء فطريقة الامتحانات الكتابية او الشفوية، والملاحظ بشكل بين أن المديرية كتحاول جاهدة باش تضمن النزاهة والشفافية فهاد العملية.

ومن بين التغييرات لي طرآت مؤخرا هو العملية لي بدأت بها المديرية في انتقاء العناصر للانضمام لجهاز (الدي اس تي D.S.T).

(الديستي) من أكثر الكلمات الرنانة فوسط جهاز الأمن، خصوصا فالسنوات الأخيرة ولينا كنسمعوها بزااف فالاعلام ديالها وكنسمعوا بالدور ديالها فإفشال العديد من المخططات الإرهابية لي كتمس أمن المغرب. إذن شنو كتعني كلمة (ديستي)؟ وكفاش كيشتغل هاد الجهاز؟ ولمن كينتمي؟ وشنو الدور ديالو؟ وشنو الطريقة كيدخلوا بها للعمل فهاد الجهاز؟ وشنو الشروط لي خاصها توفر فالشخص باش يمكن ليه ينضم لهاد الجهاز؟

# الديكسي : هو اختصار DGST : Direction de la surveillance du territoire national. أوبالعربية هو إدارة مراقبة التراب الوطني.

#كيفاش كيشتغل هاد الجهاز : هاد الجهاز كيشتغل بالزي المدني، وبشكل سري لدرجة تكون كتهضر معه وانت معارفوش مخبر، هاد الأخير معندوش السلطة باش يدخل بشكل مباشر او يعتقل شي حد أو يكون بحجز الأشخاص، لا الدور ديالو هو يقدم المعلومة الاستخباراتية للضابطة القضائية ولرجال الدرك الملكي فحالت مثلا تم الكشف عن جماعة ارهابية او ما شابه ذلك. بشكل واضح رجل الديستي المدني مكيبانش فالواجهة. مثال آخر انه كيكون مسرب بالمظاهرات التحريضية وانت معارفوش وهو راه قايم بالمهمة ديالو بدون شوشرة ومني غادي يسالي خدمتو غادي يرفع التقرير ديالو للأجهزة الامنية المختلفة.

#الدور ديال الديستي : كيف قلنا الدور ديالو واضح

• - الكشف عن المخططات الإجرامية سواء الإرهابية او لي كتمس أمن المواطنين وممتلماتهم.
• - الكشف عن الشبكات التحريضية لي الهدف ديالها المس بالأمن العام للوطن وللملكية.
• - التنسيق مع مختلف الأجهزة الامنية فالبلاد ومدهم بجميع المعلومات حول جميع الأنشطة لي فيها الشبهات.

#الطريقة لكيتم بها إدخال العناصر لهاد الجهاز :

فالنظام التقليدي وهذا مزال لحد الساعة كتم العملية عن طريق انتقاء العناصر لي كتوفر فيها الشروط من خلال المتدربين فالمعهد الملكي او المدارس التابعة له، او اقتناء عناصر موظفة اصلا فالامن الوطني وضمها وفق شروط معينة للجهاز.

#الشروط الآن نهضرو على الشروط لي خاص توفر فالمترشحين لهاد المهمة سواء فالذكور او الإناث :

• - التوفر على تكوين تعليمي وجامعي جيد، وعلى الكفاءة وعلى معرفة جيدة باللغات.
• عدم الانتماء السياسي الإيديولوجي إلى أي جماعة او منظمة.
• - الولاء التام للملكية والإيمان بها حقيقة لا نطقا.
• - القدرة على الكتمان وحفظ الاسرار حتى مع أقرب الناس إليك.
• - النباهة والذكاء وسرعة البديهة والفهم.
• -على المستوى الشكلي الاناقة / والإناث بعض من الجمال ضروري حيث غادي تقوم بادوار مهمة من اجل الاطاحة ببعض الأشخاص فمهمات مختلفة ومتكونش متزوجة فالأول الى بعد مرور بعض الوقت من الخدمة.

فالنهاية العمل فهاد المجال ليس بالسهل كما يتضح كيطلب مجهود وكفاءة وإرادة، لكن فنفس الوقت هو ميدان ممتع وعندو قيمة وفيه أجر محترم.

---